Martin Behaim

Da Martin Behaim (* 6. Oktober 1459 z Niamberg; † 29. Juli 1507 z Lissabon, Portugal), aa Martin Bohemus, port. Martinho da Boémia und lat. Martinus de Boemia, wor a bayrischa Tuachhendla aus Niamberg und portugiesischa Ritta. Ea guit ois da Entwickla vom ejtastn dahoidanen Globus, vom Behaim sejm Eadopfe gnennt (weatle gmoant: de Eadn ois Opfe dorgstejt).

Da Eadopfe geht vo da middloitalichn Vorstejungswejd vo drei Kontinentn aus: Asien, Europa und Afrika wieder. Amerika, Australien und da Pazifik fejn. Es is de de sejbe Wejdsicht, mit dea da Kolumbus sei berihmte Roas af Amerika otretn hod.

In da Ruhmeshoin z Minga steht a Büstn vom Behaim. Z Niamberg afm Theresienplotz steht a Denkmoi vo eam.