Der Artikl is im Dialekt Obaboarisch gschriem worn. |
Da Matthias Klostermayr, vulgo da Boarische Hiasl (Bayerische Hiasl), laut Taufregista: Mattheus Klostermair, (* 3. Septemba 1736 z Kissing, † 6. Septemba 1771 z Dillingen an da Donau) wor a Wuidara und a Raibahaptmo und scho zu Lebzeidn a Legendn.[1]
Fia de ormen Deifi wor a a Voiksheld, a Freischitz, a boarischa Robin Hood. Fia de Obrigkeid wor a a Vabrecha.[2] Anno 1771 is a z Dillingen af greisliche Oart, duach Rädan und Viatein, higricht worn.
Zwoahundatfuchzg Joa is da Boarische Hiasl im Voik lebendi und es is koa End in Sicht, wia de Hiasl-Erlebniswelt (2006, moderns Museum, vo da EU mitfinanziat) z Kissing zoagt. Des muass an Grund hom. Manche Bayern megn hoid oan, dea aufmuggt gegn de Großkopfadn, gegn de Obrigkeit, dea stoarrkepfig is, dea a Schneid hod und - deas so richtig krocha losst.[3]
© MMXXIII Rich X Search. We shall prevail. All rights reserved. Rich X Search