Oide Pinakothek

De Oide Pinakothek is a Kunstmusäum in Minga, des wo Gemäjde vo Oidn Mostan (Molan) vom Mittloida bis zua Mittn vom 18. Joarhundat ausstejt. De Oide Pinakothek zejd zu de bedeitandstn Gemäjdegalerien vo da ganzn Wejd. De Bestände san a Tei vo de Bayrischn Staatsgemäjdesammlunga.

Gengiwa vo da Oidn Pinakothek ligt de Neie Pinakothek mit Werkn vom 19. und Ofang vom 20. Joarhundat. Ois dritts Musäum ghead no de Pinakothek der Moderne zum Kunstareal Minga mit Werkn vom 20. und 21. Joarhundat.