Indonesia

Republik Indonesia
ᯒᯪᯇᯮᯅ᯲ᯞᯪᯂ᯲ ᯤᯉ᯲ᯑᯬᯉᯩᯘᯪᯀ

Mandera Partanda Moto : Bhinneka Tunggal Ika (Kawi) Logu habangsoan : Indonesia Raya

Peta ni Indonesia

Indonesia (Surat Batak: ᯤᯉ᯲ᯑᯬᯉᯩᯘᯪᯀ), goar resmina Republik Indonesia (ᯒᯪᯇᯮᯅ᯲ᯞᯪᯂ᯲ ᯤᯉ᯲ᯑᯬᯉᯩᯘᯪᯀ), i ma nagara na maringanan di Asia Anggoni dohot Oseania, di antara ni Samudora Hindia dohot Samudora Pasipik. Lobi sian sampulu ribu pulo na adong di Indonesia, tarmasuk pe Pulo Sumatera, Pulo Jawa, Pulo Kalimantan, Pulo Sulawesi jala Pulo Papua. Indonesia i ma nagara hapuloan na umbalga jala nagara pasampuluopathon na umbalga molo diida sian bidang ni luatna (1.904.569 km² manang 735.358 mil persegi). Adong do 267.670.543 populasina di taon 2018 jala mambahen Indonesia gabe nagara paopathon na gumodang di portibi. Huta sabungan ni Indonesia maringanan di Jakarta, na gabe luat ni urban paduahon na gumodang di portibi.