Surat Batak

Surat Batak (ᯘᯮᯒᯖ᯲ ᯅᯖᯂ᯲) i ma goar surat na diparhaseanghon di hata Batak Toba do pe hata Batak Karo, Batak Angkola, Batak Mandailing, Batak Pakpak dohot Batak Simalungun.Surat Batak martua sian Surat Palawa, na martua sian angka surat Brahmic. Surat Pallava dipake di India Habinsaran, na maralulut sian surat Tamil dohot surat Grantha. I do na marsialaon tu Asia Tenggara, na mangaruhon parbinotoan surat ni harajaon asing, songon surat Batak. Adong do lima ragam sian Surat Batak i ma Toba, Karo, Simalungun, Angkola-Mandailing dohot Pakpak. Surat Batak nian dipangke halak Batak holan tu hadatuon, manggurit surat (tarmasuk pe pulas), andung-andung (holan di Karo, Simalungun dohot Angkola-Mandailing), hususna hadatuon na godang diguriton Datu. Nang pe di ujung ni abad naparsampulusiaon, Surat Batak dipangke tu manggurit surat resmi sian harajaon manang cap harajaon.