An mga kinô iyo an mga magkakapirang mga may-ikog na mga paragatob (Rodentia) napipisan sa superpamilyang Muroidea. An "tunay na mga kino" daa na importante para sa mga tawo iyo an inaapod na black rat, Rattus rattus, brown rat, asin Rattus norvegicus. Dakul man daang mga myembro sa genera kan "mga paragatob" asin mga pamilya kaini natutumoyan man na mga kino, asin may mga pagkakaagid sa mga tunay na kino.
Sa Kabikolan, may mga nabibistong mga inaapod na kino na iba-iba an hitsura: arog kan bagto na talagang dai nadakula asin an halabang-ungos na distinggidong gayo huli sa saiyang makusog na nakakasumo-sumong parong. Sa Ingles, mas inaapod na "rat" kun dakulang mga kasta asin "mice" kun saradit sana.
© MMXXIII Rich X Search. We shall prevail. All rights reserved. Rich X Search