An Neptuno (simbolo: ; Ingles: Neptune) iyo an ikawalo asin an pinakaharayong bistadong planetang Solar hali sa Saldang. Sa Sistemang Solar, ini an ikaapat na pinakadakulang planeta sa diyametro, an ikatolong pinakamagabat na planeta, asin an may pinakahalangkaw na densidad sa mga higanteng planeta.
Ini iyo 17 na beses an masa kumpara sa Kinaban, mas kadikit na mas magabat sa haraning kambal kaini na Urano. An Neptuno may mas halangkaw na densidad asin pisikal na mas sadit kaysa sa Urano huli ta an magabat na masa kaini iyo minakawsa nin mas dakulang grabitasyonal na kompresyon sa atmospera kaini. An planeta minaikot sa Saldang sarong beses kada 164.8 na taon sa kabilugang distansya na 30.1 AU (4.5 billion km; 2.8 billion mi). Ini iyo pinangaranan pagkatapos sa Romanong diyos kan kadagatan asin may astronomikal na simbolong ♆, sarong maistilong bersyon nin trident kan diyos na si Neptuno.
Arug kan Hupiter asin Saturno, an atmospera kan Neptuno iyo pangenot na pigbibilog nin hidroheno asin elyo, kaiba an kadikiton na mga hidrokarburo asin posible an nitroheno, maski ngani igwa ini nin mas halangkaw na proporsyon nin mga "yelo" arug kan tubig, amonya, asin metano. Alagad, kaparehas kan Urano, an laog kaini iyo pangenot na pigbibilog nin mga yelo asin gapo;[1] an Urano asin Neptuno iyo normal na pigkokonsidera bilang "higanteng yelo" para maipahiling an distinksyong ini.[2] An kadikiton na metano sa panluwas na mga rehiyon kaini iyo partidang minakawsa kan asul na hitsura kaini,[3] alagad an dae bistong komposisyon iyo pighohona na minakulay sa Neptuno kan hararom na asul kaini kumpara sa Urano.[3]
|url-status=
ignored (help)
© MMXXIII Rich X Search. We shall prevail. All rights reserved. Rich X Search