An Odia (/əˈdiːə/) o Oriya (/ɒˈriːə/; ginuguhit an Odia: ଓଡ଼ିଆ oḍiā (help·info)) sarong tataramon na tinataram kan 4.2% na populasyon nin Indya. Saro ining Indo-Aryan na lenggwahe na haros haros tinataram sa subangan Indya na may mga 44 milyon na tubong parataram kan taon 2016, asin ini natitipon sa estado nin Odisha, dangan 55 milyon na mga parataram man makukua sa magkataraid na mga rona' asin kabali na an mga nagmigranteng Odia'ng populasyon sa kahiwasan kan Indya asin iba-ibang nasyon sa kinaban.[1]
Ini an predominanteng tataramon sa Indyanong estadong Odisha kun saen igdi tubong nagtataram kaini an 80% kan populasyon. Tinataram man ini sa mga parte kan West Bengal, Jharkhand, Chhattisgarh asin Andhra Pradesh. An Odia saro sa 22 na opisyal na lenggwahe kan Indya, opisyal na tataramon kan Odisha, asin ika-duwang opisyal na lenggwahe kan Jharkhand. Mga sampolong (10) milyon man an nagtataram kaini sa Chhattisgarh.[2][3]
An Odia iyo an ika-6 na Indyanong lenggwahe designado bilang Klasikal na Lenggwahe kan Indya batay sa lawig kan historya literaryo kaini asin huli ta liso haros an lenggwahe na dai nagparasubli sa ibang tataramon. An pinaka-amay na kasuratan sa Odia nagbabalik sa ika-10ng siglo.[4]
© MMXXIII Rich X Search. We shall prevail. All rights reserved. Rich X Search