An salog (Ingles: river) iyo sarong natural na nagbubulog na agihan nin tubig, harus preskong tubig, pasiring sa kadagatan, dagat, danaw, o iba pang mga salog. Sa ibang mga kaso, an salog minabulos sa kadagaan asin nagigin alang sa katapusan kan kurso nin dae nakakaabot sa ibang lawas nin tubig. An mga saradit na salog iyo naaapod man bilang sapa, kali, asin iba pa. Mayo nin opisyal na depinisyon para sa henerikong termino na salog sa lado nin heograpiya, alagad sa nagkapirang mga nasyon o komunidad, pigtatawan ini nin depinisyon sa sukol. Minsan an salog iyo pigtatawan depinisyon bilang mas dakulo sa kali,[1] pero dae pirmi: an tataramon bako na malinaw.[2]
An mga salog iyo harus pigkokonsidera bilang mga mayor na tampok sa kapalibotan; alagad, 0.1% lang ini kan kadagaan nin Kinaban. Pighimo sinda na mas naririsa asin signipiko sa katawohan huli ta an nagkapira sa mga syudad asin sibilisasyon iyo nahaman sa palibot kan mga salog.[3] An kadaklan sa mga mayor na syudad sa kinaban iyo mahihiling sa gilid kan salog, huli ta nagagamit ini bilang gunuan nin tubig, pagkua nin pagkakan, transportasyon, border, depensibong paagi, gunuan nin enerhiya, pagkarigos, asin bilang paagi sa pag-apon nin ati.
© MMXXIII Rich X Search. We shall prevail. All rights reserved. Rich X Search