William Shakespeare

William Shakespeare
The Chandos portrait (held by the National Portrait Gallery, London)
Kamundagan	Stratford-upon-Avon, Inglatierra
Bunyag	26 Abril 1564
Kagadanan	23 Abril 1616 (edad 52) Stratford-upon-Avon, Inglatierra
Lulubngan	Church of the Holy Trinity, Stratford-upon-Avon
Trabaho	Playwright poet actor
Mga taon na aktibo	c. 1585–1613
Era	Elizabethan Jacobean
Paghiro	English Renaissance
Mga aki	Susanna Hall Hamnet Shakespeare Judith Quiney
Lagda

Si William Shakespeare (26 nin Abril, 1564 - 23 nin Abril 1616) sarong parasurat na Ingles na pigkokonsiderar na pinakágrande na parasurat sa Ingles. Siya an pigaapod na paratulang nacional nin Inglatera asin "The Bard." Igwa ining 38 mga dula na pinamana sa Ingles, asin 154 na sonata asin duwang rawit-dawit. Su mga dula ni Shakespeare natraducir sa gabos na importanteng tataramon sa kinàban.

Pinangaki si Shakespeare sa banwa nin Stratford-Upon-Avon. Sa edad nin 18 pinakásalan niya si Anne Hathaway. Tulo an aki ninda: si Susanna, asin an mga kambal na si Hamnet asin Judith.

An pinaká importanteng obra ni Shakespeare sinurat niya sa tahaw nin 1590 asin 1613. An kadaklan sa mga pinaká matua niyang dula mga komedya o uusipon, mga klase nin literatura na pinerpekto niya. Pagkatapos kaini, puro mga trahedya an sinurat ni Shakespeare abot sa taon na 1608. Sa laog kaining panahon nasurat an Hamlet, King Lear asin Macbeth na pigkokonsiderar na pinaká grande na mga Trahedya sa tataramon na Ingles.^[1][2]

Kan buhay pa si Shakespeare bistado na siya na sarong mahigos asin matibay na parasurat. Alagad, an paghalankaw kan saiyang reputasyon na pinaká grande na parasurat nagpuun sana sa siglo na XIX, huli ta an mga parasurat na Romantiko prinomober an saiyang mga obra.

1. ↑ "How Shakespeare was turned into a German". DW.com. 2016-04-22. 
2. ↑ "Unser Shakespeare: Germans' mad obsession with the Bard". The Local. 2016-04-22.