Hindu

Agama Hindu (Bahasa Sanskerta: Sana-tana Dharma सनातन धर्म "Kebujuran Abadi"^[1]), wan Vaidika-Dharma ("Pangatahuan Kabujuran") adalah sabuting agama nang ba'asal matan kanak banua India. Agama ngini adalah lanjutan matan agama Weda (Brahmanisme) nang marupa'akan kaparcayaan bangsa Indo-Iran (Arya). Agama ngini dikikira'akan cungul matan tahun 3102 SM sampai 1300 SM wan adalah agama tatuha di dunia nang masih batahan sampai damini.^[2][3] Agama ngini agama pangganal katiga di dunia imbah agama Kristen wan Islam lawan jumlah paragap sabanyak 1 miliar ikung.^[4]

Panganut agama Hindu sapalih ganal tadapat di kanak banua India. Di sini tadapat sakira 90% panganut agama ngini. Agama ngini suah tasabar di Asia Tunggara sampai kikira abad ka-15, labih pasnya wayah masa karuntuhan Majapahit. Mulai wayah napa am agama ngini diganti'akan ulih agama Islam wan agama Kristen. Wayah ngini, mayuritas paragap agama Hindu di Indunisia adalah masarakat Bali, salain napa am gin nang tasabar di banua Jawa, Lombok, Kalimantan (Suku Dayak Kaharingan), Sulawesi (Toraja wan Bugis - Sidrap).

1. ^ Hindu jua dipinandu'i lawan Hindū Dharma atawa Vaidika-Dharma dalam babarapa basa India mudirin, kaya basa Hindi, Bbasa Bengali, wan babarapa turunan Bahasa Indo-Arya, jua babarapa dialik Bahasa Dravida kaya Bahasa Tamil wan Bahasa Kannada
2. ^ "Hinduism and the Clash of Civilizations" Archived 2007-02-02 at the Wayback Machine oleh David Frawley, Voice of India, 2001. ISBN 81-85990-72-7
3. ^ Religion: Hinduism - National Geographic
4. ^ Major Religions of the World Ranked by Number of Adherents Archived 2010-01-29 at the Wayback Machine, Adherents.com (data 2005)