Irupa

Eropa atawa disambat Irupa adalah ngaran banua ganal di bumi. Lamun dilihat sacara geologis wan geografis, Eropa adalah sabuting tanjung atawa dataran nang masuk dalam banua Asia, tagal urang eropa kada hakun disambat urang Asia wan mamilih manyambat dataran buhannya saurang yaitu Banua Eropa.

Banua Eropa andakan astronomisnya di 35° LU - 71° LU wan 11° BB - 66° BT. Inggan utara adalah Samudra Arktik, di barat adalah Samudra Atlantik, wan di selatan bainggan lawan Laut Tengah. Inggan timurnya masih balum jalas marga dipisah lawan parbidaan budaya.

Banua atawa nang bujurnya disambat dataran ngini dipinandui banua panghalusnya kadua imbah Australia nang luasnya 22.845.000 km² tagal bila dirikin matan jumlah urangnya, banua ini ada di urutan katiga nang urangnya bajumlah 747,6 juta ikung wayah tahun 2020 atawa sama haja sapardalapan panduduk dunia.