Bollywood (e hindeg: बॉलीवूड) eo anv industriezh ar sinema indian diazezet e Mumbai (Bombay), hag a brodu filmoù en hindeg hag en ourdoueg. Filmoù evit tizhout ar brasañ niver a dud eo a vez savet eno. Ar filmoù produet eno a vez skignet en Aljeria, Tunizia, Maroko, Dubai, Pakistan pe broioù all c'hoazh en Azia pe en Afrika.
Dont a ra ar ger Bollywood eus ar meskaj etre « Bombay » (anvet Mumbai hiziv an deiz) ha « Hollywood ».
Ur skourr eus sinema India eo Bollywood, e-kichen skourroù all e lec’hioù all er vro, ma reer filmoù e tamileg (Kollywood), e banglaeg (Tollywood) hag e yezhoù all c’hoazh.
© MMXXIII Rich X Search. We shall prevail. All rights reserved. Rich X Search