Douar-Nevez

Douar-Nevez pe an Douar-Nevez (saozneg : Newfoundland, distaget : ['njuw fən 'lænd] ; galleg : Terre-Neuve ; iwerzhoneg Talamh an Éisc ; Ktaqamk e mikmakeg), a zo un enezenn eus Reter Kanada er Meurvor Atlantel. Un darn eo eus proviñs Douar-Nevez ha Labrador. 115 220 km² a zo d'an enez ha 470 000 a dud a oa o chom enni e 2000. Saint John's eo ar gêr-benn. Er “Bed Nevez” eo al lec'h anavezet da gentañ gant an Europeaned, ha diwar-se e teu hec'h anv.