Geiriadur Prifysgol Cymru

Geiriadur Prifysgol Cymru ("Geriadur Skol-veur Kembre") zo ur geriadur istorel eus ar c'hembraeg, savet gant Skol-veur Kembre da gentañ.

Displeget eo ster ar penngerioù ennañ e kembraeg ha troidigezhioù saoznek a gaver ivez. Evit pep ger e kaver e adstummoù, skouerioù eus e implij a-hed an istor ha displegadennoù diwar-benn e orin. Dont a reas an embannadur kentañ anezhañ er-maez etre 1967 ha 2002, e peder levrenn dev, gant 3 949 a bajennoù, 105 000 a benngerioù ha 7,3 milion a c'herioù en holl. Tost da 350 000 skouer zo, deiziadet, adalek ar VII^vet kantved betek 2002, gant 320 000 termenadur zo ha 290 000 troidigezh e saozneg.