Gwad

Ar gwad zo ul liñvenn a red diehan met a dalmadennoù e gwazhiadurezh hag e kalon loened zo, mab-den en o zouez. Savet eo gant ul lodenn dourek, ar plasma, hag ul lodenn soludek, ar c'helligoù ha tammoù anezho.

E gefridioù eo :

• kas an dioksigen O₂ hag ar maguzennoù da wiadoù hag organoù ar c'horf ;
• kas an dilerc'hioù evel an dioksidenn garbon CO₂ hag an dilerc'hioù nitrogenek war-du al lec'hioù-skarzh (bouzelloù, lounezhi, skevent) ;
• kas kelligoù ha molekulennoù ar reizhiad hangaeañ d'ar gwiadoù ;
• skignañ an hormonoù er bevedeg.