Hidalgo, pe hijodalgo, zo ur ger spagnolek deuet eus ar gerioù "Hijo de algo", pe "Hijo d´algo". Fidalgo a veze lavaret e portugaleg.
Un anv eo a veze graet eus tud ha ne oant ket eus an noblañs war-eeun, met un nebeud dreistgwirioù o devoa, ha ne baeent ket tailhoù zo.
Uheloc'h eget an dud "a netra" e oant, ha lorc'h enne, dre ma ne labourent ket. Kalz anezho a oa paour-razh, er XVIvet ha XVIIvet kantved, met labourat a oa un dizenor.
An hidalgo brudetañ zo bet eo Don Quijote de la Mancha, met un dudenn eus al lennegezh n'eo ken.
© MMXXIII Rich X Search. We shall prevail. All rights reserved. Rich X Search