ISO 639-2

Eil rann ISO 639 eo ISO 639-2 ha talvezout da god yezh unvan, ennañ 464 c'hod teirlizherennek ("kodoù Alpha-3") implijet evit anavezout yezhoù ar bed.

Dindan beli Levraoueg Kendalc'h ar Stadoù-Unanet eo ISO 639-2.

Kroget e oa bet da labourat war ISO 693-2 e 1989 peogwir ne oa ket klok a-walc'h ISO 639-1 e-keñver an niver a c'heller renabliñ gant ar c'hod divlizherennek-se hag embannet e oa bet ISO 693-2 evit ar wezh kentañ e 1998.

Daoust ma vez roet ur c'hod hepken da bep yezh hervez ISO 639-2, ez eus 23 yezh hag o deus daou god : ur c'hod "levraouegiñ", anvet ISO 639-2/B, hag unan "terminologel", anvet ISO 639-2/T, savet diwar anv saoznek ar yezhoù-se. Kavet e vez pep hini eus an 23 yezh-se en ISO 639-1 ivez.

Bez' ez eus kodoù ouzhpenn evit ober dave da blegennoù dibar :

• mis ("miscellaneous languages") : yezhoù a-bep seurt ;
• mul ("multiple languages") : a dalvez pa implijer meur a yezh hep rankout o resisaat unan hag unan ;
• ne vez ket implijet ar c'hodoù eus qaa betek qtz ;
• und ("undetermined") : implijet pa ranker menegiñ ur yezh met pa n'haller ket hec'h anavezout ;
• zxx: implijet evit resisaat n'eus "danvez yezhoniel ebet" (ouzhpennet d'ar 11 a viz Genver 2006)