Impalaeriezh roman ar Reter

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Impalaeriezh roman ar Reter

bro istorel, marevezh istorel

Rann eus	Impalaeriezh roman, Medieval Rome
Deiziad krouiñ	17 Gen 395
Anv er yezh a orin	Imperium Romanum, Βασιλεία Ῥωμαίων, Romania, Ῥωμανία
Relijion	kristeniezh
Anvet diwar	Kergustentin
Anv annezidi	romà d'Orient, romana d'Orient
Yezh ofisiel	gresianeg, latin, Medieval Greek
Sevenadur	Roman civilization
Kevandir	Europa, Afrika, Azia
Stad	Kiprenez
Kêr-benn	Kergustentin
Daveennoù douaroniel	41°0′55″N 28°59′5″E
Renad politikel	monarkiezh hollveliek, Dominate
Penn ar Stad	impalaer bizantat
Perc'henn war	Saint Hilarion Castle, Castello Normanno, Buffavento Castle
A zo stok ouzh	Impalaeriezh roman ar C'hornôg
Heuliet gant	Omeyad, Rashidun Caliphate, Impalaeriezh otoman, Empire of Trebizond, Emirate of Crete
Erlec'hiet gant	Emirate of Crete, Impalaeriezh otoman, Duchy of Brescia, Maona of Chios and Phocaea
Erlec'hiañ a ra	Impalaeriezh roman, Impalaeriezh roman ar C'hornôg
Yezh implijet	latin, Medieval Greek, Koine Greek
Studiet gant	Byzantine studies
Deiziad divodadur	29 Mae 1453
Istor	history of the Byzantine Empire
Relijion ofisiel	Eastern Orthodoxy
Oberennoù zo en dastumad	Art Institute of Chicago
Ekonomiezh an danvez	economy of the Byzantine Empire
Rummad evit ar c'hartennoù	Category:Maps of the Byzantine Empire

Ur pennad eus an heuliad Henroma eo ar pennad-mañ

Ar Vonarkiezh

Ar Republik

An Impalaeriezh

Impalaeriezh ar C'hornôg

Impalaeriezh ar Reter

Impalaeriezh roman ar Reter zo un anv istoriografek roet da lodenn reter an Impalaeriezh roman en Henamzer diwezhañ hag er Grennamzer, al lodenn nemeti chomet en he sav adalek 476. Impalaeriezh Bizantion eo an anv a vez graet anezhi peurliesañ goude labour an istorour Hieronymus Wolf e 1557. Anv ofisiel an Impalaeriezh a oa Βασιλεία Ῥωμαίων (Basileia Rômaiôn), Imperium romanum e latin. Kergustentin a oa he c'hêrbenn, anv roet gant an impalaer Kustentin Iañ, e 330, da gêr Bizantion.

Ur c’hemm a vez lakaet gant an istorourien etre an Impalaeriezh roman klasel hag hini ar Grennamzer hag abalamour da se e vez kaoz eus Impalaeriezh Bizantion peurvuiañ. Graet e vez e-giz-se anezhi rak an troc’h a weler etre an Impalaeriezh roman klasel, latin he yezh, diazezet war Roma padal eo diazezet he darn reter war ur sevenadur gresian a voe an darn nemetañ goude 476. Evito o-unan ne oa evit ar Vizantiz troc’h ebet etre an daou brantad-se, hini an Henamzer hag hini ar Grennamzer, ha betek ar fin e raent Bizantiz anezho o-unan, annezidi Βασιλεία Ῥωμαίων (Basileia Rômaiôn).

Fin Impalaeriezh Bizantion a zeuas e 1453 pa voe tapet Kergustentin gant an Otomaned, met diaesoc’h eo kavout ur penn-kentañ d’an Impalaeriezh-se. Lod a ginnig 330 pa voe savet Kergustentin ha lakaet anezhi da gêr-benn an Impalaeriezh, kroget e memes tro kristenadur ar bed roman, lod all a ginnig 395 pa voe rannet an Impalaeriezh roman etre mibien Theodosius Iañ, ha krouet Impalaeriezh roman ar Reter. Evit ul lodenn all e teu ar c’hemm etre ren Justinian Iañ, bet Impalaer etre 527 ha 565, an hini diwezhañ en doa klasket adtapet tachennoù kornôg an Impalaeriezh, ha ren Hieraklius, a gollas proviñsoù Egipt, Palestina, Afrika ha Siria hag a lakaas ar gresianeg da vezañ yezh an Impalaeriezh.

E-pad an amzer ma voe anezhi e voe an Impalaeriezh galloud pennañ mor Kreizdouar ar Reter, e-keñver armerzh, sevenadur hag arme. An tachennoù perc’hennet ganti a zo bet kemmet kalz e-kerzh an amzer. Dindan beli Justinian Iañ e voe tizhet harzoù pellañ an Impalaeriezh abaoe ar V^vet kantved, met kollet e voe un darn bras eus an tachennoù-se mui tachennoù Egipt, Palestina ha Siria ouzh an Arabed, hag aloubet ar menezioù Balkan ha darnoù eus Gres gant ar Slaved. Gant ar Vakedonianed (X^vet - XI^vet kantved) e voe adtapet tachennoù zo e-pad un Azginivelezh a echuas gant aloubadeg an Durked en Anatolia (emgann Mantzikert e 1071) hag amzer ar C'hroaziadegoù, pa voe tapet Kergustentin gant ar Pevare Kroaziadeg e 1204 a wanaas da vat an Impalaeriezh, unan eus stadoù bihan ar rannvro, betek kouezhañ dindan beli an Otomaned. Ur galloud kristen eo Impalaeriezh roman ar Reter, met war zisheñvelaat ez a an daou zarn eus ar gristeniezh dre abegoù politikel, sevenadurel ha relijiel. Kavell ar gristeniezh ortodoks (pe ortodoksiezh) eo Impalaeriezh Bizantion.