Israel

מדינת ישראל (Medīnat Yisra'el) دولة إسرائيل (Dawlat Isrā'īl)
Banniel Skoed
Kan broadel	הַתִּקְוָה (HaTikvah "An Esperañs")
Gouel Broadel	יום העצמאות (Yom Haʿatzmaout "Deiz an Dizalc'hidigezh"), ar 5 a viz Iyar (etre Ebrel ha Mae)
Kêr-benn ha kêr vrasañ	Jeruzalem (hervez Stad Israel) Tel Aviv (hervez ABU)
Yezhoù	Hebraeg (ofisiel) Arabeg (anzavet)
Melestradur
Prezident	Isaac Herzog (יצחק הרצוג)
Kentañ ministr	Benjamin Netanyahu (בִּנְיָמִין נְתַנְיָהוּ)
Parlamant	Kneset (כנסת)
Moneiz	Shekel (₪)
Douaroniezh
Gorread	20 991 km² 2% dour
Poblañs	9 043 387 (2023)
Stankter	331 ann./km²
Titouroù all
Kod-marilh	IL
Pellgomz	+972
ccTLD	.il, ישראל.

Israel, Stad Israel en un doare ofisiel, (hebraeg : מְדִינַת יִשְׂרָאֵל‎, Medīnat Yisrā'el, [me̞diˈnät jisʁäˈʔe̞l] ; arabeg : دَوْلَة إِسْرَائِيل‎, Dawlat Isrāʼīl, [dawlat ʔisraːˈʔiːl]) zo ur Stad er Reter-Nesañ bevennet gant ar Mor Kreizdouar. En em ginnig a ra evel Stad ar bobl yuzev, anezhi hêrez an “Israel” viblek. Ar Stad nemeti eo gant ar muianiver a boblañs yuzev. An hebraeg eo he yezh (an arabeg zo yezh ofisiel ivez). Un demokratelezh kannadel eo.

Goude bezañ disklêriet un disentez gant ABU e 1947 diwar-benn Palestina fiziadour ez eo bet disklêriet e 1948 bezañs "ur Stad yuzev war Eretz Israel" gant David Ben Gourion, penn an Aozadur Sionad ar Bed ha gant Ajañs Yuzev evit Palestina. En deiz war-lec'h e voe arsailhet Israel gant broioù arabek tro-dro, evit sikour Arabed ar Balestina. Meur a vrezel zo bet kenetrezo abaoe ar pezh a gas Israel da ac'hubiñ Sisjordania, Ledenez Sinai etre 1967 ha 1982, Bandenn Gaza hag Uhelgompezenn ar Golan.