Siria

لجمهورية العربية السورية Al-Jumhūriyyah al-ʿArabiyyah as-Sūriyyah
██ Lec'hiadur er Reter-Nesañ
Kan broadel	Homat el Diyar
Yezh ofisiel	Arabeg
Kêr-benn	Damask
Gorread • En holl • % dour	185,180 km² 0.06
Poblañs • Hollad • Stankter	19,043,000 (2005) 99/km²
Prezidant	Bashar al-Assad
Moneiz	Lur siriat
Kod pellgomz	963
Kenrouedad	.sy

Siria (Arabeg : سوريا), Republik Arab Siriat (Arabeg: الجمهورية العربية السورية) hec'h anv ofisiel, a zo ur vro er Reter-Nesañ. Harzoù he deus gant Liban war-du ar c'hornôg, Israel war-du ar mervent, Jordania war-du ar su, Irak war-du ar reter ha Turkia war-du an norzh. Israel a zalc'h uheldirioù ar Golan e mervent ar vro hag ur rendael he doa Siria gant Turkia a-zivout proviñs Hatay betek n'eus ket pell 'zo.

Betek an XIX^vet kantved e oa anvet Siria Bilad al-Cham (arabeg بلاد الشام). Bodañ a reas e-pad ur pennad Siria a vremañ, Liban a vremañ, Israel ha Palestina, hag un darn eus Jordania a vremañ, met pas proviñs Jazira. E-doug an Henamzer, ar broioù-se a oa Fenikia, Palestina, Asiria hag ul lodenn eus kornôg Mezopotamia.