Galles

U Galles (in inglese: Wales ; in gallese: Cymru) hè una nazione senza Statu è una di i quattru nazioni custitutivi, è frà quelle una di e trè celte, di u Regnu Unitu.^[1] Hè chjamatu Cambria in latinu. A so capitale hè Cardiff (Caerdydd in gallese), a più cità maiore di u paese di Gallia incù circa 315000 abitanti.

Sin'à a so cunquista in u 1282 da Edouard Ia d'Inghilterra, u paese di Gallia era custituitu da numerosi principati indipindenti. In seguitu à l'Attu d'Unione di u rè Arrigu VIII (chì u so arcibabbone Owen Tudor era dinù gallese), u principatu di Gallia hè diventatu una parte custituente di u riame d'Inghilterra in u 1536.

Dapoi u 1301, hè tradiziunale per u rè d'Inghilterra di cunsacrà u so figliolu maiò principe di Gallia, ancu s'è quessa ùn hè micca automatica (u titulu accurdatu automaticamente à u figliolu erede apparente di u rè d'Inghilterra essendu quellu di duca di Cornuvaglia, un'antra nazione celta incurpurata à u Riame d'Inghilterra senza esse ricunnusciuta cum'è nazione custituente di u Regnu Unitu, è quellu di principe di Gallia essendu datu à u mumentu di una cirimonia specifica).

In u 1999, un'Assemblea naziunale di Gallia hà statu istituita. A so sede hè in Cardiff. U capu attuale di u guvernu hè Carwyn Jones, membru di u Partitu travaglistu gallese.

1. ↑ 'Ss'articulu pruvene in parte da l'articulu currispundente di a wikipedia in francese.