Giovanni Pierluigi da Palestrina

Giovanni Pierluigi da Palestrina
Ganwyd	1525  Palestrina
Bu farw	2 Chwefror 1594  Rhufain
Dinasyddiaeth	Taleithiau'r Babaeth
Galwedigaeth	cyfansoddwr, côr-feistr, athro cerdd, organydd, cyfarwyddwr côr, canwr
Swydd	côr-feistr
Arddull	cerddoriaeth y Dadeni, cerddoriaeth grefyddol, Cerddoriaeth yr offeren, motêt, church music
Priod	Lucrezia Gori, Virginia Dormoli

Cyfansoddwr o'r Eidal yng nghyfnod y Dadeni oedd Giovanni Pierluigi da Palestrina (rhwng 3 Chwefror 1525 a'r 2 Chwefror 1526 - 2 Chwefror 1594). Palestrina, fel y'i adnabyddir fel rheol, oedd ffigwr mwyaf adnabyddus cerddoriaeth Rhufain yn yr 16g. Cafodd ddylanwad aruthrol ar ddatblygiad gerddoriaeth yr Eglwys Gatholig Rufeinig, ac ystyrir fod ei waith yn cynrychioli uchafbwynt cerddoriaeth aml-leisiol (polyffoni) y Dadeni, yn cynnwys nifer o ganeuon madrigal a fersiwn cofiadwy o'r emyn fawr Stabat Mater Dolorosa, i wyth lais.

Cafodd ei eni yn nhref fechan Palestrina, ar ymyl y Campagna Romana ger Rhufain. Pan oedd tua 25 oed cafodd ei apwyntio yn feistr côr Iwlian yn y Fatican. Treuliodd ran helaeth gweddill ei oes yn gweithio yn Rhufain.

Gelwir dull cerddorol arbennig ar gyfer lleisiau yn Alla Palestrina (Eidaleg, "yn null Palestrina") ar ei ôl.