Jawaharlal Nehru | |
---|---|
![]() | |
Ganwyd | 14 Tachwedd 1889 ![]() Prayagraj ![]() |
Bu farw | 27 Mai 1964 ![]() o trawiad ar y galon ![]() Delhi Newydd ![]() |
Man preswyl | Prayagraj, Delhi Newydd ![]() |
Dinasyddiaeth | y Raj Prydeinig, India, Dominion of India ![]() |
Alma mater |
|
Galwedigaeth | ysgrifennwr, gwleidydd, hunangofiannydd, bargyfreithiwr, undebwr llafur, ymladdwr rhyddid ![]() |
Swydd | Minister of Defence (India), Prif Weinidog India, member of the Lok Sabha, Minister of Finance, Minister of External Affairs, Member of the Constituent Assembly of India, member of the Negotiating Committee of the Constituent Assembly of India, member of the Committee on Subjects Assigned to the Union Centre ![]() |
Adnabyddus am | Glimpses of World History, The Discovery of India, Letters from a Father to His Daughter ![]() |
Prif ddylanwad | Bertrand Russell ![]() |
Plaid Wleidyddol | Cyngres Genedlaethol India ![]() |
Tad | Motilal Nehru ![]() |
Mam | Swarup Rani Nehru ![]() |
Priod | Kamala Nehru ![]() |
Plant | Indira Gandhi ![]() |
Llinach | Nehru–Gandhi family ![]() |
Gwobr/au | Bharat Ratna, Bintang Jasa, doctor honoris causa of Keiō University ![]() |
llofnod | |
![]() |
Roedd Jawaharlal Nehru (Hindi: जवाहरलाल नेहरू) (14 Tachwedd 1889 – 27 Mai 1964) yn un o brif arweinyddion y mudiad i ennill annibyniaeth i India ac yn ddiweddarach yn Brif Weinidog cyntaf India annibynnol. Weithiau gelwid ef yn Pandit Nehru; mae "Pandit" yn golygu "ysgolhaig".
Ganed Jawaharlal Nehru yn ninas Allahabad, ger glannau Afon Ganga ac yn awr yn nhalaith Uttar Pradesh. Roedd ei dad, Motilal Nehru, yn fargyfreithiwr cefnog. Yn 15 oed gyrrwyd Nehru i Loegr i Ysgol Harrow; yn ddiweddarach astudiodd yng Ngholeg y Drindod, Caergrawnt cyn cael ei hyfforddi fel bargyfreithiwr yn Llundain. Wedi dychwelyd i India, priododd Kamala Kaul ar 8 Chwefror 1916. Y flwyddyn wedyn ganwyd eu hunig blentyn, Indira Priyadarshini, yn ddiweddarach Indira Gandhi. Dechreuodd Nehru gymeryd diddordeb yn y mudiad cenedlaethol, a daeth dan ddylanwad Mahatma Gandhi.
Erbyn 1929 roedd yn un o brif arweinwyr y mudiad cenedlaethol, a chafodd ei garcharu nifer o weithiau. Bu farw Kamala Nehru yn 1938. Pan enillodd India annibyniaeth yn 1947, daeth Nehru yn Brif Weinidog. Dan ei arweiniad ef, enillodd Plaid y Gyngres fuddugoliaeth ysgubol yn etholiad 1952. Dan Nehru, dilynodd India bolisiau sosialaidd. Enillwyd buddugoliaeth arall yn etholiad 1957, ac eto yn 1962 ond gyda mwyafrif llai. Ar y llwyfan ryngwladol, roedd yn arweinydd blaenllaw o'r Mudiad Amhleidiol. Ym Mai 1964, dioddefodd Nehru drawiad ar y galon, a bu farw ar 27 Mai. Yn unol a'r arferiad Hindwaidd, llosgwyd ei gorff ger glan Afon Yamuna yn Delhi, ym mhresenoldeb cannoedd o filoedd o alarwyr.
Yn ddiweddarach daeth ei ferch, Indira, yn Brif Weinidog, a bu ei ŵyr Rajiv Gandhi yn Brif Weinidog hefyd yn ei dro.
© MMXXIII Rich X Search. We shall prevail. All rights reserved. Rich X Search