Back

Y Dydd Olaf

Y Dydd Olaf
Enghraifft o'r canlynolgwaith llenyddol, nofel apocolyptaidd Edit this on Wikidata
AwdurOwain Owain
CyhoeddwrGwasg Gomer
GwladCymru
IaithCymraeg
Dyddiad cyhoeddi1976, Awst 2021 Edit this on Wikidata
ISBN0715102897
Dechrau/Sefydlu1967 Edit this on Wikidata
GenreNofel ffuglen wyddonol
Lleoliad cyhoeddiAbertawe Edit this on Wikidata
Prif bwncdeallusrwydd artiffisial, robot dynoid, cyflyru llwyr, totalitariaeth, rhyddid meddwl, gwyliadwraeth gorfodol gan y wladwriaeth Edit this on Wikidata
Lleoliad y gwaithCymru Edit this on Wikidata
Erthygl am y nofel wyddonias yw hon; am albwm Gwenno Saunders gweler yma.

Nofel wyddonias neu ffug-wyddonol gan Owain Owain yw'r Dydd Olaf a gyhoeddwyd yn 1976 gan Wasg Gomer, Llandysul. Cyfieithwyd y Dydd Olaf i'r Pwyleg a thorfolwyd cyfieithiad i'r Saesneg. Mae ar gael ar ffurf elyfr nid-am-arian a ellir ei lawrlwytho o wefan Y Twll (Carl Morris) a gwefan Slebog.[1] Yn 2020 fe'i cyfieithwyd hefyd i'r Gernyweg gan yr awdur Sam Brown[2], ac yng Ngorffennaf 2021 cafwyd ailargraffiad Cymraeg gan Wasg y Bwthyn, wedi i'r llyfr fod allan o brint ers bron i 50 mlynedd.[3][4]

Clawr Y Dydd Olaf (Gwasg y Bwthyn; 2021)
Clawr y fersiwn Cernyweg An Jydh Finek (Sam Brown; Mehefin 2020)

Mae un o'r prif gymeriadau'n berson du, galluog, sy'n anarferol iawn i lyfr o'r cyfnod hwn.

Dywedodd y beirniad llenyddol Pennar Davies am y nofel (gweler y broliant) Ni welwyd dim byd tebyg i'r llyfr hwn (Y Dydd Olaf) yn ein hiaith o'r blaen, na dim byd hollol debyg mewn unrhyw iaith. Llawenhewn fod y math yma o ddisgleirdeb yn bosibl yn y Gymraeg." [5] Mewn adolygiad o'r gyfrol yn 2014 dywedodd Miriam Elin Jones, 'I ddweud y gwir, mae rhagymadrodd Pennar Davies i’r nofel hon yn dweud y cwbl. Dyma nofel wreiddiol yn y Gymraeg, a nofel fydd yn eich syfrdanu... clasur Cymraeg, heb os.' [6]

Mewn cyfweliad gyda Gwenno Saunders a mab Owain, sef Robin Llwyd ab Owain dywedwyd i'r gwaith gael ei ysgrifennu yn 1967/8 ond na chyhoeddwyd y gwaith tan i'r awdur ddanfon y proflenni at Pennar Davies, wedi methu cael unrhyw wasg i gyhoeddi'r nofel. 9 mlynedd yn ddiweddarach, yn 1976, wedi derbyn broliant Pennar Davies, cyhoeddwyd y nofel.[7]

  1. ↑ Gwefan Y Twll; Carl Morris; adalwyd 16 Gorffennaf 2017.
  2. ↑ Copi am ddim o'r fersiwn Cernyweg
  3. ↑ cantamil.com; adalwyd 13 Awst 2021.
  4. ↑ golwg.360.cymru; Golwg 360; cyfweliad gan Non Tudur; adalwyd 13 Awst 2021
  5. ↑ "The Wayback Machine". Archifwyd o'r gwreiddiol ar 2012-02-26. Cyrchwyd 2012-02-26.
  6. ↑ [1] Enw'r wefan: GWYDDONIAS; Teitl: ‘TOP 10′ O LYFRAU FFUG-WYDD CYMRAEG GAN MIRIAM ELIN JONES; accessed 16-10-2014
  7. ↑ Radio Cymru; 'Sesiynau'r 'Steddfod'.

Rich TVX News Network Site

Rich TVX News Network Info

© MMXXIII Rich X Search. We shall prevail. All rights reserved. Rich X Search