A

Ĉi tiu artikolo temas pri la deveno, uzo kaj prononco de la litero A. Pri aliaj signifoj, vidu A (apartigilo).

A (minuskle a) estas la unua litero de la latina alfabeto, kaj de preskaŭ ĉiuj alfabetoj devenintaj de la latina, inkluzive de la esperanta alfabeto. Ĝi estas samforma ankaŭ kun la unua litero de la cirila alfabeto. La majusklo estas samforma kun la unua litero de la greka alfabeto, kiu nomiĝas alfa; la minusklo de tio tamen iomete diferencas: α.