Distrikto Main-Taunus

blazono	mapo
Bazaj datumoj
Federacia Lando:	Hesio
Distriktaro:	distriktaro Darmstadt
Administra urbo:	Hofheim am Taunus
Areo:	222 km²
Loĝantoj:	242420 (fine de decembro 2022)
Loĝdenso:	1027
Aŭtokodo:	MTK
Municipokodo:	06436
Komunumoj:	12
Adreso de la distrikta administracio:	Am Kreishaus 1–5 65719 Hofheim am Taunus
rete:	www.mtk.de
retpoŝte:	info@mtk.de
situo de la distrikto en Hesio

La distrikto Main-Taunus situas en la distriktaro Darmstadt de la germana federacia lando Hesio. La distrikto havas areon de 222 km², kaj fine de decembro 2022 ĝi havis 430838 loĝantojn. La distrikto estas parto de la ekonomia regiono Rejno-Majno, kaj rekte okcidenta najbaro de la urbo Frankfurto ĉe Majno. Domoj, stratoj kaj urbotrajnaj reloj de Frankfurto simple daŭriĝas en la teritorio de la - do laŭ karaktero "antaŭurba" - distrikto, kaj la ligoj al la Frankfurta urbocentro estas fortaj. La okcidenton de la teritorio karakterizas la arbaroriĉa mezalta montaro Taunus.

Krome najbaras norde la simile strukturita distrikto Hochtaunus, nord-okcidente la distrikto Rheingau-Taunus, okcidente la urbo Wiesbaden kaj sude la industrie strukturita distrikto Groß-Gerau. Plej granda urbo de la distrikto kaj ĝia administra centro estas la urbo Hofheim am Taunus.