Golfo

Ĉi tiu artikolo temas pri akva areo enprofundiĝinta en termasivon. Por pilka sporto rigardu la paĝon Golfo (sporto).

Golfo estas parto de akva areo, enprofundiĝinta en ter-masivon, sed havanta liberan akvoŝanĝon kun ĉefparto de la sama areo.

Foje la nomon "golfo" portas kelkaj partoj de mondoceano, kiuj per siaj hidrologiaj reĝimoj estas maroj, ekzemple Meksika Golfo, Hudsona Golfo, Persa golfo. Inverse kelkaj marpartoj, kiuj havas ĉiujn ecojn de golfo, estas nomataj ne golfoj, sed "maroj", ekzemple Adriatiko (= Adria Maro).