Internacia komerco

Internacia komerco estas aro de interŝanĝaj transakcioj, kiuj estas realigataj tra la bordoj de naciaj ekonomioj, preter la limoj de aparta lando aŭ ŝtato. Oni povas difini certajn trajtojn de internacia komerco:

• naciaj ekonomioj funkcias kunligite;
• malfermita ekonomio (iuj produktoj estas eksportata al eksterlandaj merkatoj, kaj aliaj produktoj estas importataj el eksterlando);
• internacia komerco estas perantata de lokiĝo de fontoj;
• internacia komerco disvolvigas produktajn kaj konsumajn eblojn de naciaj ekonomioj;

Kiam la varoj alvenas ĝi nomiĝas importo kaj kiam la ŝtato vendas siajn varojn al alia lando ĝi nomiĝas eksportado. En la plej multaj landoj, internacia komerco estas signifa parto de kio estas la malneta enlanda produkto (MEP) kaj kiel tia ĝi estas de granda graveco por la plej multaj landoj de la mondo. Kutime en Industrilando, ĝia ekstera komerco respondecas pri du trionoj de la malneta enlanda produkto.

La ekonomia, socia, kultura kaj politika graveco de internacia komerco pligrandiĝis en la lastaj jarcentoj, danke al la disvolviĝo de bankaj kaj asekursistemoj, industriigo kaj transportsistemoj kaj en la lasta jarcento ankaŭ multnaciaj kompanioj kaj organizaĵoj. La tendenco de kreskanta komerco en la lastaj kvindek jaroj, kaj precipe la kreskanta agado de supernaciaj kaj internaciaj instancoj, estas konata kiel tutmondiĝo.