Kafofabo

La kafofabo (arabe: قهوة qahwa "kafo" kaj arab.: بن bunn "bero") estas la semo de kafarbo, per kiu la trinkebla kafo estas kreita, post rostado kaj pulvorigado. Botanike, ĝi estas unu el la du semoj (sed foje estas nur unu), kiuj troviĝas ene de la frukto, kiu ne estas bero sed pli precize nomata drupo. La termino "fabo" estas uzata pro la formo de tiu semo. La drupoj estas ruĝaj, kiel ĉerizformaj (foje nomitaj kafoĉerizoj) kun plejofte du grajnoj. Ĉi tiuj semoj estas la realaj "kafofaboj". Ili kuŝas kun siaj platigitaj flankoj alfrontantaj unu la alian kaj havas laŭlongan sulkon. Ĉi tiuj kernoj estas la semoj de la kafarbo kaj konsistas plejparte en nutra substanco, enhavanta kafeinon en kvantoj da proksimume 0,8 ĝis 3,5%.

Kafarbo apartenas al la genro kofeo de la familio de rubiacoj.