Kalabrio

Kalabrio
itale Calabria
Flago	Blazono
regiono de Italio • duoninsulo • kultura regiono
Kodo:	CAL
Ŝtato:	Italio
Areo:	15 082 km²
Ĉefurbo:	Catanzaro
Loĝantaro:	1 947 131 loĝ. (2019)
Loĝdenso:	128 loĝ./km²
Provincoj:	Katanzaro, Kosenco, Krotono, Reggio Calabria, Vibo Valentia
Komunumoj:	listo de 409 komunumoj
Kodo laŭ ISTAT:	18
Prezidanto:	Roberto Occhiuto (en 2024)
Retejo:	oficiala paĝo
v • d • r

Kalabrio (itale Calabria [kalabrja]) estas itala regiono, kiu situas en la plej suda parto de Itala duoninsulo. La markolo de Mesino apartigas ĝian sud-okcidentan pinton disde la insulo Sicilio.

Laŭ la stato de 2019 en la regiono vivis 1 947 131 loĝantoj sur areo de 15 221,9 kvadrataj kilometroj, kio rezultigas loĝdenson de 128 loĝantoj/km².

Ĝi estas la unua teritorio kiu historie ricevis la nomon Italio, donita de la antikvaj grekoj al la istmo de Katanzaro kiu, ĉe ilia alveno en la areo, estis sub la regado de Italo, reĝo de la enotroj. Post la alveno de la brutioj ĝi estis nomata Brutium de la romianoj; en la bisanca periodo ĝi estis parto de la regiono "Kalabrio kaj Brutium" ("Kalabrio" tiam estis la nomo de la nuna Salento); fine kiam Bizanco perdis la teritorion Salento, la nomo Kalabrio pasis al la iama Brutium).

Loĝita ekde la Paleolitiko, kiel pruvas la Romito-kaverno, dank' al sia strategia pozicio en la centro de la Mediteranea ĝi do vidis la floradon de multnombraj kulturoj kiel la enotria, brutia, Greka, Romia, Bizanca kaj Normanda.