Sezonoj

Pri subdivido de jaro, vidu Sezono.

Sezonoj estas ruslanda esperantlingva eldonejo, unue en Jekaterinburg, nun ekde 2001 en Kaliningrad. La eldonejo "heredis" sian nomon de la jarkvarona almanako Sezonoj, ĉefa literatura forumo de Sovetio inter 1984 kaj 1990 (aperinta en Sverdlovsk, nuna Jekaterinburg). Ekde 1991 la almanakon anstataŭis soci-kultura revuo La Ondo de Esperanto, komence dumonata, ekde 1997 ĉiumonata.

La eldonejo lanĉis kelkajn proprajn libroseriojn kaj partoprenis eldonadon de fremdaj libroserioj:

Serio Germana literaturo
Serio Legu kaj lernu
Serio Mondliteraturo
Serio Movadaj kajeroj
Serio Nia memoro
Serio Oriento-Okcidento
Serio Rusa literaturo
Serio Scio
Serio Sed ne el katedro
Serio Virtuala biblioteko

Sezonoj eldonas ankaŭ kulturan kaj movadan esperanto-revuon La Ondo de Esperanto. Formale la libroj de Sezonoj aperas kiel aldonaĵo al la revuo.