Silabaro

Silabaro estas skribsistemo, kiu uzas signojn por ĉiuj silaboj de la koncerna lingvo. Tiel ĝi postulas malpli da signoj ol ideogramaro, sed tamen pli da signoj ol alfabeto. Tamen ĝi havas avantaĝojn super alfabeto, ĉar ĝi plidensigas vortolongojn skribe, ekzemple, "kolono" havas ses sonojn, sed nur tri silabojn: ko-lo-no. Silabarojn uzis multaj antikvaj lingvoj.^{[mankas fonto]}

Modernaj ekzemploj:

• Japanaj skribsistemoj rondaj kanaoj kaj strekaj kanaoj
• Ĉeroka skribo

Kvankam ofte tiel nomata, Devanagari skribo ne estas vera silabaro, ĉar la vokaloj esprimiĝas per diakritaj signoj aldonitaj al (preskaŭ) neŝanĝantaj bazaj silabosimboloj. Ĝi estas abugido.