Abentura

Abentura ustegabeko edo menturazko gertakariak barnehartzen dituen edonolako jarduera edo bizipena da. Gehienetan bidaiarekin eta nolabaiteko arriskua duten kirolekin (arrisku-kirolak, alegia) lotzen da, baina zentzu zabalean abenturak denetariko jardueretan bizi daitezke, jokoetan (horrela, abentura grafikoen generoa dago bideo-jokoetan) edo amodiozko harremanetan (amodio-abentura beste pertsonarekiko atxikimendu handirik gabe hasten den harremana, nola bilakatuko den jakin gabe).