Anatolia

Anatolia
Liziako errege hilobiak, Dalyan K. a. 400 aldean
Datu orokorrak
Mendirik altuena	Ararat
Mota	penintsula
Azalera	756.000 km²
Geografia
Koordenatuak	39°N 35°E / 39°N 35°E / 39; 35
Ur-gorputza	Mediterraneoa Marmarako itsasoa Itsaso Beltza Egeo

Anatolia^[1] (grezieraz: Aνατολή, [anatolé], "ekialdea") edo Asia Txikia Asiako mendebaldeko muturrean kokatutako penintsula da. Asia eta Europako bide erdian dagoelarik, bertan gurutzatu ziren indoeuropar migrazioak eta garatu ziren Mediterraneoko lehen zibilizazioak. Gaur egun, Turkiaren asiar aldea da.

Idatzitako historian zehar, Anatolian hizkuntza indo-europarrak, semitikoak eta kartveliarrak mintzatu dira, baita jatorri ezezaguneko beste batzuk ere. Are gehiago, hititera eta luvitera hizkuntzen antzinakotasuna aintzat hartuta, zenbait adituk (tartean Colin Renfrewek) Anatolia proposatu dute indoeuropar hizkuntzen hedapenaren abiapuntutzat (ikus Anatoliako hipotesia).

1. ↑ Euskaltzaindia. Anatoliako eta Hego Kaukasoko toponimia. .