Borrero

Borreroa (frantsesezko bourreau hitzetik) justizia publikoak ezarritako sententzia biolentoak gauzatzen dituen pertsona da: heriotza zigorra, mutilazioak, tortura edota zigor kolpeak. Kultura askotan profesionala izaten zen eta, batzuetan, funtzionarioa.^[1][2]

Kargu zibila izanagatik, maiz aitarengandik semearengana pasatzen zen. Izan ere, borreroak ospe txarra zuen gizartean eta ez zen gogoko lanbidea. Fama txarra zela eta, ez ziren ezkongai desiratuak, eta borrero-familien arteko ezkontzak ohikoak izaten ziren. Esaterako, Frantzian, Sansondarrak ezagunak izan ziren. Kasu batzuetan, aurpegia estalirik egiten zuen lan, lekukoek identifika ez zezaten, baina ez zen bereziki ohikoa.

1. ↑ Borrero. Euskaltzaindiaren Hiztegia, euskaltzaindia.eus (Noiz kontsultatua: 2024-2-25).
2. ↑ Apaolaza Avila, Urko. Borreroa: herritarrek gorrotatutako funtzionarioa. Argia, 2006ko martxoak 12, CC BY-SA, argia.eus (Noiz kontsultatua: 2024-2-25).