Dana Andrews | |||
---|---|---|---|
![]() | |||
1963 - 1965 ← George Chandler - Charlton Heston → | |||
Bizitza | |||
Jaiotzako izen-deiturak | Carver Dana Andrews | ||
Jaiotza | Collins (Mississippi), 1909ko urtarrilaren 1a | ||
Herrialdea | ![]() | ||
Bizilekua | The Osborne (en) ![]() | ||
Lehen hizkuntza | ingelesa | ||
Heriotza | Los Alamitos (Kalifornia), 1992ko abenduaren 17a (83 urte) | ||
Heriotza modua | berezko heriotza: pneumonia bihotz-gutxiegitasuna | ||
Familia | |||
Anai-arrebak | ikusi
| ||
Hezkuntza | |||
Heziketa | Sam Houston State University (en) ![]() | ||
Hizkuntzak | ingelesa | ||
Jarduerak | |||
Jarduerak | aktorea, zinema aktorea, telebista-aktorea eta sindikalista | ||
Genero artistikoa | Westerna | ||
Sinesmenak eta ideologia | |||
Alderdi politikoa | ![]() | ||
![]() ![]() ![]() ![]() ![]() ![]() ![]() ![]() ![]() ![]() ![]() |
Dana Andrews (1909ko urtarrilaren 1a - 1992ko abenduaren 17a) Ameriketako Estatu Batuetako aktorea izan zen. Covington Countyko etxalde batean jaio zen eta bederatzi neba-arrebatan hirugarrena izan zen. Aita eliza baptistako abadea zen. Umetan familiak Texaserako bidea hartu zuen, Huntsvillerakoa hain zuzen. Enpresa munduan jarduteko ikasketak egin zituen, eta sasoi batean kontulari aritu bazen ere, 1931n Los Angelesera joan zen kantari legez bizimodua egiteko asmotan; denetariko lanetan ibili zen, eta opera ikasten ere saiatu zen. 1940an Samuel Goldwynekin kontratua sinatu zuen eta William Wylerrek zuzendutako The Westerner filmean hartu zuen parte Gary Cooper izarraren ondoan. 1943an Henry Fondaren parean aritu zen askorentzat Andrewsen lan onena den The Ox-Bow Incident pelikulan. Hurrengo urtean, 1944an, Premingerren Laura filmean ikusiko dugu Gene Tierneyren ondoan. 1946an Oscar saria irabazi zuen The Best Years of Our Lives filmean gerratik etxera datorren soldaduarena egin zuen Andrewsek. 1950ean, berriro Premingerren eskutik, Where the Sidewalk Ends zinema beltzeko lanean aritu zen. Ordutik aurrera Danaren ibilbideak ez zuen aukera handirik erakutsi: alkoholismoak erabateko mugak ezarri zizkion; bitan-edo auto istripu larriak izan zituen. Jarraiko urteetan egin zituen filmak bigarren mailakoak izan ziren, edota telebistarako sailetan aritu zen. 1972an, lau urtean zurruta alde batera lagata, Alkoholiko Anonimoak elkartearen kanpaina batean hartu zuen parte. Bizitzako azken urteak Alzheimerren gaixotasunak jota eman zituen: 1992an, 83 urte zituelarik, hil egin zen.
© MMXXIII Rich X Search. We shall prevail. All rights reserved. Rich X Search