Dhaka

Dhaka ঢাকা ڈھاکہ
megacity (en)
Irudi gehiago
Administrazioa
Estatu burujabe	Bangladesh
Bangladeshko bibhag	Dhaka
Alkatea	Atiqul Islam (en)
Jatorrizko izena	ঢাকা ڈھاکہ
Posta kodea	1000, 1100, 1200–1299 eta 1300–1399
Geografia
Koordenatuak	23°43′44″N 90°23′40″E / 23.7289°N 90.3944°E / 23.7289; 90.3944
Azalera	368 km²
Altuera	4 m
Demografia
Biztanleria	16.800.000 (2017) 7.893.961 (2011)
Dentsitatea	45.652 bizt/km²
Informazio gehigarria
Telefono aurrizkia	02
Ordu eremua	UTC+06:00
Hiri senidetuak	Kalkuta eta Guangzhou
Hizkuntza ofiziala	bengalera
dncc.gov.bd eta dscc.gov.bd

Dhaka^[1] (bengaleraz: ঢাকা; ɖʱaka) Bangladeshko^[2] hiriburu eta hiri nagusia da. Metropoli eremuak (Greater Dhaka Area) 28.399.000 biztanle ditu^[3]. Horrek Bangladeshko hiririk handiena egiten du, bigarren hiri bengaliar handiena, Kalkutaren atzetik (Indiako Mendebaldeko Bengala estatuko hiriburua) eta munduko hiri jendetsuenetako bat.

Hiriak mogolen garaiko monumentuak, 700 meskitatik gora eta birmaniar jatorriko pagodak gorde ditu. Unibertsitatea dauka, 1921. urtean sortua.

Mogolen erregealdian, hiriak Jahangir Nagar izena zuen. Hiri modernoa, neurri handi batean, agintari britainiarrek garatu zuten, eta, laster, Bengalako bigarren hiririk handiena izatera iritsi zen, Kalkutakoaren atzetik. Indiaren independentziarekin, Dhaka Ekialdeko Pakistango hiriburu administratiboa izatera pasa zen, Bangladeshko hiriburu bihurtu aurretik 1972an independizatu zenean. Aldi horretan, Dhaka nahasmendu politiko zabalaren lekuko izan zen, barne hartuz gerra-lege aldi asko, Bangladeshko independentziaren aldarrikapena eta ezabatze militarra eta gerrak eta hondamendi naturalek eragindako suntsipenak.

Dhaka modernoa Bangladeshko bizitza politiko, kultural eta ekonomikoaren erdigunea da, eta Bangladeshko alfabetatze-tasa altuena eta askotariko ekonomia du. Gainera, hiri azpiegitura herrialdeko garatuena da. Dhakak, hala ere, arazo handiei egin behar die aurre: kutsadura, auto-ilara handiak, hornidura eskasia, pobretasuna eta delinkuentzia. Azken hamarkadetan, Dhakak hiriko garraio, komunikazio eta lan publikoen modernizazioa bizi izan du. Bangladeshko hiriburuak turista ugari eta enpresa handiak ere erakartzen ditu^[4].

1. ↑ Euskaltzaindia. 38. araua: Munduko estatu-izenak, herritarren izenak, hizkuntza ofizialak eta hiriburuak. .
2. ↑ Euskaltzaindia, EODA, leku izenak, Bangladesh
3. ↑ Dhaka Population 2019. worldpopulationreview.com (Noiz kontsultatua: 2019-12-9).
4. ↑ (Gaztelaniaz) Tato, Luis. (2014-05-30). «Dacca, donde la vida es una batalla» El País ISSN 1134-6582..