Ernest Fourneau

Ernest Fourneau
Irudi gehiago
Bizitza
Jaiotza	Biarritz, 1872ko urriaren 4a
Herrialdea	Lapurdi, Euskal Herria
Bizilekua	Frantzia
Heriotza	Azkaine, 1949ko abuztuaren 5a (76 urte)
Hezkuntza
Heziketa	Parisko Medikuntza Eskola
Hizkuntzak	frantsesa
Jarduerak
Jarduerak	kimikaria, farmakologoa, unibertsitateko irakaslea, farmazialaria eta biokimikaria
Enplegatzailea(k)	Madrilgo Complutense Unibertsitatea
Jasotako sariak	ikusi Ohorezko Legioko ofiziala Knight of the Order of Agricultural Merit Jecker Prize  (1919) Officer of the Order of Polonia Restituta Officer of the Order of the Star of Romania Berthelot medal  (1913)
Kidetza	Alemaniako Natur Zientzien Leopoldina Akademia Académie nationale de pharmacie (en) Académie Nationale de Médecine (en) XL izeneko Zientzien Akademia Nazionala Zientzia Zehatzen, Fisikoen eta Naturalen Errege Akademia Belgikako Medikuntzako Errege Akademia Farmaziako Errege Akademia

Ernest Fourneau^[1] (Biarritz, 1872ko urriaren 4a - Azkaine, 1949ko abuztuaren 5a) Euskal Herri nahiz frantses estatu mailan kimioterapiaren sortzailea da; kimika organikoan nazioartean funtsezko ekarpenak egin dituen ikertzailea da, ekarpen horiek neurri handi batean izkutuan geratu badira ere.

Établissements Poulenc Frères-en (1903-1911), Pasteur Institutuan (1911-1944) eta Rhône-Poulenc-en (1946-1949) goi-mailako buru izanda, sintesiko lehen anestesiko lokala den estovainaren^[2] aurkikuntza, artsenikotik eratorritako "Stovarsol" antisifilitikoaren prestaketa eta tripanosomiasi afrikarraren aurka oso eraginkorra den "205 Bayerraren" egituraren argipena zor zaizkio.

Sulfamiden propietate terapeutikoen aurkikuntzan ere bere zuzendaritzapean burututako ikerketa-lanek zerikusi handia dute.

1. ↑ Fourneautarrak biarnes jatorrikoak dira eta urrunago joanda flandriarrekoak. Deituraren lehen arrastoa Hournau (okzitaniera arautuan Hornau: horn nau="labe berria") agertzen da L'Espitau d'Orioneko etxe batean grabatuta. Zantzu guztien arabera Nafarroan XVI. mendearen amaieran babesa hartu zuten Flandriako protestanteak ziren, Albako Dukearen agindupeko tropek egiten zuten sarraskiengandik ihes egiteko.
2. ↑ Hala deituta bere asmatzailearen abizenaren bertsio ingelestuarengatik; stove ingelesez eta fourneau frantsesez antzeko esanahiez itzul daitezke: "labe", "beheko su".