Ferry

Ferrya edo transbordadorea bidaiariak edo ibilgailu astunak leku batetik bestera eramaten dituzten ontziak dira^[1]. Hiri askotan garraio publikorako erabiltzen dira, aintzirak edo ibaiak zeharkatzeko adibidez. Ferryak pasabide modura ere erabil daitezke, merkeagoak direlako zubiak edo tunelak eraikitzea baino. Herrialde askotan, transbordadore edo anezka hitzak erabiltzen dira bidaia laburrak egiten dituzten ontzietarako, eta ferry hitza erabiltzen da bidaia luzeagoak egiten dituzten ontzi handietarako. Euskal Herrian, Bilbotik Portsmouth-era doan ferrya edo Bizkaia Zubiko anezka daukagu.

1. ↑ «ferry-boat» www.uragentzia.euskadi.eus (Noiz kontsultatua: 2022-11-29).