Frankoproventzera

Frankoproventzera, arpitana
arpetan — patoué
Frankoproventzeraren hedapena, urdinez.
Datu orokorrak
Lurralde eremua	Italia  Frantzia  Suitza
Hiztunak	113.400 (zenbatespena)
Ofizialtasuna	Aosta Ibarra
Eskualdea	Arpitania (Aostako Harana, Piemonte, Foggia, Romandia, Savoia, Bresse, Bugey, Dombes, Beaujolais, Dauphiné, Lyonnais, Forez, Franche-Comté)
UNESCO sailkapena	3: arriskuan
Araugilea	-
Hizkuntza sailkapena
giza hizkuntza indoeuropar hizkuntzak hizkuntza italikoak hizkuntza erromantzeak mendebaldeko hizkuntza erromantzeak hizkuntza galo-iberiarrak hizkuntza galo-erromantzeak Gallo-Rhaetian (en)
Informazio filologikoa
Hizkuntza-tipologia	silabadun hizkuntza eta hizkuntza sintetikoa
Alfabetoa	latindar alfabetoa
Hizkuntza kodeak
ISO 639-3	frp
Ethnologue	frp
Glottolog	fran1269
Wikipedia	frp
Linguist List	frp
UNESCO	366
IETF	frp
Endangered Languages Project	3395

Frankoproventzera edo arpitana Frantzia, Italia eta Suitzako lurralde batzuetan mintzatzen den hizkuntza erromantze bat da. Hizkuntza hori hitz egiten den lurraldeari Arpitania deritzo. Italia hegoaldean ere bada mintzaira honetako komunitate bat, Apuliako frankoproventzerarena.

Hainbat izen ditu: francoprovençâl (frantsesaren eta proventzeraren antzekoa), arpitan (Alpeetakoa), burgondês eta burgondian (antzinako Burgundiakoa). Patouès ere deitu izan da, baina izen hori egun baztertua da, gutxiegarria baita. Autore batzuek, bestalde, frankoproventzera okzitanieraren aldaeratzat hartu badute ere, egun hizkuntza bereizitzat hartzen da.

Hiztun kopuruari buruz, ez dago adostasunik. Ikerketa batzuek 130.000 hiztun zenbatu dituzte: 70.000 Italian, 60.000 Frantzian eta 7.000 Suitzan. Nolabaiteko onarpen ofiziala Aosta Ibarrean du. UNESCOk galtzeko arriskuan dagoen hizkuntzatzat jotzen du: frantsesak haren lekua hartzen du.