Giuliano Amato (Turin, 1938ko maiatzaren 13a) Italiar politikaria da. Estatuko idazkariorde izan zen Bettino Craxiren gobernuan, eta Ogasuneko ministro Giovanni Goria eta Ciriaco de Mita lehen ministro kristau-demokraten gobernuetan. 1992an lehen ministro izendatu zuten, haren alderdiko Bettino Craxi aitzindaria baztertuta. Arazo handiak aurkitu zituen, ordea: defizita, gobernu ustelkeria eta krimen antolatua, besteak beste. Bere aurreko Giulio Andreotti kristau-demokrataren gobernu-koalizioa berregin zuen: sozialistak, kristau-demokratak, liberalak eta sozialdemokratak. Ez zuen, ordea, gehiengo sendorik, eta Ezkerreko Alderdi Demokratikoari eskatu zion laguntza. Saiatu zen Amato Italiako problemak konpontzen, baina huts egin zuen. Ordurako, ustelkeria eta eskandaluak tarteko, oso irudi txarra zeukan Italiako politikagintzak. Hauteskunde-erreforma handi bat bultzatu zuen. 1993an dimisioa eman zuen, politika-krisia zela-eta.
© MMXXIII Rich X Search. We shall prevail. All rights reserved. Rich X Search