Indalecio Ojanguren

Indalecio Ojanguren
Indalecio Ojanguren, Egoarbitzako gailurrean (Elgeta), 1943. urtean. Irudi gehiago
Bizitza
Jaiotzako izen-deiturak	Indalecio Ojanguren Arrillaga
Jaiotza	Eibar, 1887ko azaroaren 15a
Herrialdea	Gipuzkoa, Euskal Herria
Heriotza	Eibar, 1972ko otsailaren 18a (84 urte)
Hezkuntza
Hizkuntzak	gaztelania
Jarduerak
Jarduerak	mendigoizalea eta argazkilaria

Indalecio Ojanguren Arrillaga (Eibar, Gipuzkoa, 1887ko azaroaren 15a - 1972ko otsailaren 18a) Euskal Herriko argazkilari eta mendizale ezaguna izan zen. Gaztelaniaz el Fotógrafo Águila goitizena erabili zuen, eta Eibarren Kajoitxu ezizenez zen ezaguna, XX. mende hasieran argazkilariek erabiltzen zituzten kutxa itxurako argazki-kamerengatik.

Bere mendizaletasuna eta Euskal Herriarekiko atxikimenduak bultzatuta, XX. mende hasierako Euskal Herriaren argazki bilduma handi bat biltzeari ekin zion. Bere argazkietako gai nagusiak mendiak eta orduko gizartea osatzen zuten herritarrak dira, horren bitartez, balio etnografiko itzela duen bilduma osatu zuelarik.