Izukaitz

Izukaitz
Datuak
Musika mota	folk
Urteak	1974 - 1981
Produkzioa
Diskoetxea(k)	Xoxoa
Taldekideak
J.M.'Pototo' Aranburu Odile Kruzeta Fran Lasuen Aurelio Martinez Bixente Martinez Luis Camino M. Asun Iturriagagoitia Joxe Corcuera Xabi Laskibar Mikel Iriondo
Informazio gehigarria

Izukaitz 1970eko hamarkadaren erdialdetik aurrera garatutako euskal folk berriaren talderik esanguratsuenetakoa izan zen, ibilbide laburrekoa baina itzal luzekoa.

1974an sortua, 1981ean desegin zen. Plazaratutako bi diskoetan, Izukaitz (Xoxoa, 1978) eta Otsoa dantzan (Xoxoa, 1980), Ingalaterrako folk-rock garaikidearen eragin nabariko euskal herri musikaren ikuspegi berritzailea azaleratu zuen. Gaur egun, bildumazaleentzat harribitxi preziatu bilakatu dira bi diskoak. Taldekideen artean, Bixente Martinez (Oskorri, Hiru Truku), Fran Lasuen (Oskorri, Txatanuga Futz Band, Eguen Banda) eta Luis Camino (21 Japonesas).