Kanuto III.a Hardeknut | |||||
---|---|---|---|---|---|
![]() | |||||
1040ko martxoaren 23a - 1042ko ekainaren 8a ← Harold Harefoot - Eduardo Aitorlea →
1035 - 1042ko ekainaren 8a ← Knut II.a Danimarkakoa - Magnus I.a Norvegiakoa → | |||||
Bizitza | |||||
Jaiotza | Ingalaterra, 1018 | ||||
Herrialdea | ![]() | ||||
Heriotza | Lambeth (en) ![]() | ||||
Hobiratze lekua | Winchesterreko katedrala | ||||
Heriotza modua | berezko heriotza | ||||
Familia | |||||
Aita | Knut II.a Danimarkakoa | ||||
Ama | Emma Normandiakoa | ||||
Anai-arrebak | ikusi
| ||||
Leinua | House of Knýtlinga (en) ![]() | ||||
Jarduerak | |||||
Jarduerak | monarka | ||||
Lantokia(k) | Danimarka eta Ingalaterra | ||||
![]() ![]() |
Kanuto III.a, danieraz Hardeknut (Kanuto gogorra) izenaz ezaguna (1018 – 1042ko ekainaren 8a) bikingo errege bat izan zen, Danimarkako errege 1035etik 1042ra, eta Ingalaterrako errege 1040tik 1042ra. Danimarkako Kanuto II.a Handia zuen aita (Danimarkako, Norvegiako eta Ingalaterrako erregea), eta Ingalaterrako Etelredo II.aren alargun Emma Normandiakoa zuen ama.
Bere aitaren oinordekoa izan zen Danimarka eta Ingalaterrako erregetzan, aita 1035eko abenduak 12an hil ondoren, baina, Magnus I.a Norvegiakoarekin liskarrean zebilenez, ezin izan zuen Ingalaterrara joan han bere autoritatea sendotzera, eta, beraz, bere anaia Harold Harefoot izendatu behar izan zuen Ingalaterrako erresumako ordezkari bezala, Kanuto bera joan bitartean.
Baina Haroldek, bere burua errege izendatzen du 1037an, Kanutok, hori onartzea beste erremediorik izan ez zuelarik, norvegiar erregearen aurkako borrokak zirauen bitartean, norekin, azkenean, adostasun batetara iritsi zen 1038an, honen bidez, Hardeknut seme-alabarik izan gabe hiltzen bazen, oinordekoa Magnus I.a Norvegiakoa bihurtuko zelarik.
Danimarka baketua izan ondoren, Kanuto, Ingalaterra inbaditu eta bere anaia traidorea tronutik kentzeko prestatzen da, Brujas hirira iritsiz, Flandrian, non bere ama Emma erbesteratua zegoen, 1039an. Harold, inbasioa baino pixka bat lehenago hil zenez, Kanutok, Ingalaterra domeinatzeko libre zen, handik gutxira errege koroatua izan zelarik.
Bere agintaldiak, ez zuen ospe onik izan, bere mendeko berriei jarri zizkien gehiegizko zergek, 1041ean Worcesterreko matxinada eragin zutelarik. Matxinada, gogor zanpatua izan zen, eta hiria, suntsitua. Garai horretako gehiegizko zergen aurkako protesta bezala Lady Godiva, biluzik, zaldi baten gainean Coventrytik igarotzen aipatzen duen elezaharra, garai horretan emango zen.
1041ean, Hardeknutek, bere anaiorde zen Eduardo Aitorlea, berriz herrira itzultzera gonbidatzen du, bere elkargobernari bezala gobernatzera, Normandian eman zuen erbesteratze luzearen ondoren.
Lambethen hil zen, 1042ko ekainak 8an, 24 urte zituela, dirudienez, epilepsia krisi baten ondorioz, mozkortuta zegoen bitartean. Winchesterreko katedralean lurperatua izan zen.
Aurrekoa Kanuto II.a Danimarkakoa |
Danimarkako erregea 1035-1042 |
Ondorengoa Magnus I.a Norvegiakoa |
Aurrekoa Harold Harefoot |
Ingalaterrako erregea 1040-1042 |
Ondorengoa Eduardo Aitorlea |
![]() |
Wikimedia Commonsen badira fitxategi gehiago, gai hau dutenak: Kanuto III.a Hardeknut ![]() |
© MMXXIII Rich X Search. We shall prevail. All rights reserved. Rich X Search