Karisma

Gizarte psikologian, karisma pertsona batek besteengan duen eragin-ahalmena da, bereziki pertsona horren erakargarritasunari buruz. Karisma duen pertsona karismatikoa edo karismaduna dela esaten da. Terminoa kristau teologian du jatorri: etimologiaz karisma hitzak grezierazko χαρίσμα (karisma) hitzetik dator eta Jainkoak pertsona bakoitzari emandako dohainen multzoa (fedea, mirariak egiteko ahalmena, irakasle eta gidari izateko dohaia) izendatzeko erabiltzen da.