Karl Raimund Popper (Viena, Austria, 1902ko uztailaren 28a - Londres, Erresuma Batua, 1994ko irailaren 17a) austriar-britainiar filosofo, akademiko eta politologoa izan zen. Popper, XX. mendeko zientzia-filosofo garrantzitsuenetako bat, ezaguna da metodo zientifikoari buruzko ikuspuntu induktibista klasikoak arbuiatzeagatik faltsabilitatearen alde eginez. Popper-en arabera, zientzia enpirikoetako teoria bat ezin da inoiz frogatu, baina ezeztatu/faltsatu egin daiteke, eta horrek esan nahi du esperimentu erabakigarriekin azter daitekeela (eta aztertu behar dela). Popper ezagutzaren azalpen justifikazionista klasikoaren aurka agertu zen, arrazionalismo kritikoarekin ordezkatu zuena.
Diskurtso politikoan berriz, demokrazia liberalaren defentsa indartsuagatik eta kritika sozialaren printzipioengatik da ezaguna, bere ustez, loraldian zegoen gizarte ireki bat ahalbidetzen baitzuten. Bere filosofia politikoak ideologia politiko demokratiko nagusien ideiak bereganatu zituen, liberalismo klasikoa, sozialdemokrazia eta kontserbadurismoa barne, eta horiek adiskidetzen saiatu zen.
© MMXXIII Rich X Search. We shall prevail. All rights reserved. Rich X Search