Koldo Eleizalde

Koldo Eleizalde
Bizitza
Jaiotza	Bergara, 1878ko ekainaren 9a
Herrialdea	Gipuzkoa, Euskal Herria
Heriotza	Bilbo, 1923ko uztailaren 24a (45 urte)
Hezkuntza
Heziketa	Madrilgo Complutense Unibertsitatea
Hizkuntzak	gaztelania euskara
Jarduerak
Jarduerak	idazlea
Kidetza	Eusko Ikaskuntza Euskaltzaindia
Sinesmenak eta ideologia
Alderdi politikoa	Eusko Alderdi Jeltzalea

Koldo Eleizalde Brenosa —bataio izenez, Luis Maria Ignazio Jose Ramon; sabindarren izen-sisteman, Eleizalde'tar Koldo— (Bergara, Gipuzkoa, 1878ko ekainaren 9a - Bilbo, Bizkaia, 1923ko uztailaren 24a) euskal herritar politikari, idazle eta pedagogoa. Euskararen irakaskuntza jorratu zuen bere lan askotan. Eusko Ikaskuntzako partaide izan zen hasieratik. Era berean, Euskaltzaindiaren sortzaileetako bat izan zen, R.M. Azkue, Julio Urkixo eta Arturo Kanpionekin batera. Euskararentzako eredu batu baten alde agertu zen. Haur euskaldunei eskola euskaraz eman behar zitzaiela ere aldarrikatzen zuen. Teoria mailan ez ezik, praktikara ere eraman zituen bere ideia pedagogikoak. Horrela, Bizkaiko Aldundiak ezarri zituen eskolen arduraduna izan zen, eta euskarazko ikasmaterialak sortzeaz arduratu zen. Politikan ere jardun zuen, Euzko Alderdi Jeltzaleko kide moduan.