Louis Armstrong

Louis Armstrong
Irudi gehiago
Bizitza
Jaiotzako izen-deiturak	Louis Daniel Armstrong
Jaiotza	New Orleans, 1901eko abuztuaren 4a
Herrialdea	Ameriketako Estatu Batuak
Talde etnikoa	afro-amerikarra
Lehen hizkuntza	ingelesa
Heriotza	New York, 1971ko uztailaren 6a (69 urte)
Hobiratze lekua	Flushing Cemetery (en)
Heriotza modua	berezko heriotza: miokardio infartu akutua
Familia
Ezkontidea(k)	Lil Hardin Armstrong  (1924ko otsailaren 4a -  1938) Lucille Armstrong (en)  (1942ko otsailaren 4a -  1971ko uztailaren 6a)
Hezkuntza
Hizkuntzak	ingelesa
Irakaslea(k)	Bunk Johnson (en) Buddie Petit (en) King Oliver
Jarduerak
Jarduerak	aktorea, kale-artista, tronpeta-jotzailea, musika-talde gidaria, orkestra zuzendaria, jazz musikaria, abeslaria, soinu banda konpositorea, zinema aktorea, kantugilea, irrati-esataria, estudioko musikaria eta idazlea
Lan nabarmenak	ikusi Louis Armstrong--a self-portrait (en)
Jasotako sariak	ikusi Karrera artistikoari Grammy saria  (1972) Izarra Hollywoodeko Ospearen pasealekuan Rock and Roll Hall of Fame  (1990)
Kidetza	Louis Armstrong & His Orchestra Louis Armstrong and His Hot Five
Izengoitia(k)	Satchmo eta Pops
Genero artistikoa	jazza
Ahots mota	baritonoa basso profondo (en)
Musika instrumentua	tronpeta Korneta ahotsa
Diskoetxea	ABC Records Audio Fidelity Columbia Records Decca (en)
louisarmstronghouse.org
Fitxategi:Louis Armstrong signature.svg, Armstrong-Alassio (crop).jpg

Louis Daniel Armstrong (New Orleans (AEB), 1901eko abuztuaren 4a - 1971ko uztailaren 6a) jazz musikari estatubatuarra. Kantari eta tronpeta-jotzaile bikaina izan zen eta munduko jazz-musikari garrantzitsuenetarikoa. Armstrong jazz-en historiako musikaririk berritzaileenetako bat izan zen, eta jazz musikaririk ezagunena. Jazz musika transformatu egin zuen bere nortasun eta trebeziari esker. Sormena, originaltasuna eta inprobisatzeko gaitasuna izan ziren bere ahalmen nagusiak. Hasiera batean, tronpetista jardun zuen eta horrela irabazi zituen ospea eta fama, baina geroago gehiago nabarmendu zen kantatzen. Armstrong eta haren bandak bost kontinenteak zeharkatu zituzten, baita arrakasta handia lortu ere.

Chicagora igaro zen King Oliveren orkestran jotzeko (1922-1924), eta gero New Yorka aldatu zen Fletcher Hendersonen orkestran jotzeko eta Bessie Smithekin grabatzeko. Chicagon berriro bere orkestra eratu zuen (Hot Five, 1925; Hot Seven, 1927). Talde hauekin New Orleans izeneko estiloa goi-mailara eraman zuen, jazz klasikoaren sortzailetzat hartua izanik. Gerora nazioarteko karrera egin zuen: filme eta jazzaldi garrantzitsuenetan esku hartu zuen. Izan duen eraginaren eta utzitako lanaren ondorioz, jazzak eman duen artista garrantzitsuenetakoa da.^[1]

Jazza Blusaren garai berean sortu zen , xx.mendearen hasieran. Jazz musikak bluesaren jatorri berdina du. Biak kotoi eta tabako ustiategietan lan egiten zuten esklabo afrikarren ohituretatik sortu ziren. Afrikako abesti tradizionalak eta erlijio-abestiak daude jazzaren jatorrian. Gehienetan taldean jotzen den musika da. Bere ezaugarri nagusia inprobisazioa izan da beti. Artistek melodia baten gainean momentuan asmatutako zatiak jotzen dituzte. Jazza sasoi hartan oso musika folklorikoa zen eta berak lortu zuen musika popularra bihurtzea.

1. ↑ «Armstrong, Louis» www.euskadi.eus (Lur entziklopedia) (Noiz kontsultatua: 2022-08-15).