Mazar-i-Xarif

Mazar-i-Xarif
hiria
Mazar-i-Xarifeko Mezkita Urdina Irudi gehiago
Administrazioa
Herrialdea	Afganistan
Probintzia	Balkh
Izen ofiziala	مزارِ شریف (persieraz)
Geografia
Koordenatuak	36°42′00″N 67°07′00″E / 36.7°N 67.1167°E / 36.7; 67.1167
Azalera	83 km²
Altuera	380
Demografia
Biztanleria	469.247 (2020ko urtarrilaren 1a) 365.875 (1979)
Dentsitatea	5.654 bizt/km²
Informazio gehigarria
Ordu eremua	UTC+04:30
Hiri senidetuak	Maxhad eta Duxanbe

Mazar-i-Xarif^[1] (persieraz: مزارِ شریف) Afganistango iparraldeko hiri handiena eta Balkh probintziako hiriburua da. Turkmenistan, Uzbekistan eta Tajikistango mugak 50 kilometro ingurura ditu. 2010ean 289.926 biztanle zituen.^[2] Gizarte multietnikoa da: gehiengoa Tajik etniakoa da baino Uzbeko, Hazara, Paxtun eta Turkomano ugari dago. Hizkuntz nagusiak persiera (dari) eta paxtuera dira.

Hiriaren izenak "Jaunaren Santutegi" esan nahi du. Izan ere afganiarrek, bai xiitek, bai sunitek, Mazar-i-Xarifeko Meskita Urdina Mahomaren lehengusu eta suhi Ali ibn Abi Taliben hilobiaren gainean eraiki zela uste dute. Historialarien arabera, ordea, Ali Najafen (Irak) hobiratua izan zen. Hiriak ondasun arkeologiko helenistiko eta musulman ugari ditu.

1. ↑ Euskaltzaindia. (2012-06-29). 171. araua: Asiako toponimia. (Noiz kontsultatua: 2013-02-11).
2. ↑ Afghanistan: largest cities and towns and statistics of their population^{[Betiko hautsitako esteka]}